Wednesday, March 26, 2014

BLUE BUTTON-DOWN. Սեզոնի տրենդ՝ կապույտ վերնաշապիկ


  21-րդ դարի կինը տղամարդու զգեստապահարանից ավելի ու ավելի շատ իրեր է վերցնում սեփական օգտագործման համար: Եվ դրանցից մեկը վերնաշապիկն է: Սեզոնի տրենդերից մեկը կապույտ վերնաշապիկն է: Կկրեք այն ջինսի, թե սև սքիննիի հետ, որոշումը Ձերն է, պարզապես դիտեք, թե ինչպես են դա անում հայտնի ֆեշընիստները և կերտեք Ձեր լուքերը:





Օլսեն քույրերից մեկը և շվեդ բլոգեր Էլինը:
Բլոգեր Բին ստորև կրում է միևնույն կապույտ վերնաշապիկը տարբեր կոմբինացիաներով, այնպես որ առաջին հայացքից անհասկանալի է, որ դա միևնույն վերնաշապիկն է:

Այս կադրը վերջերս էկրաններ բարձրացած Արքայադուստր Դիանայի մասին պատմող ֆիլմից է: Այս համակցումը ինձ առանձնապես դուր է գալիս:

Ավստրալիական VOGUE ամսագրի խմբագիր Քրիստին Սենտեներան ինչպես միշտ էքսպերիմենտներ է անում և դրանով իսկ սկիզբ դնում ոճային նոր լուծումների ուղղվածության ֆեշենիստուհիների շրջանում: 



Friday, March 21, 2014

BLOGGER BEE'S STYLE


Սիրով ներկայացնում եմ մի ֆեշըն բլոգգերի, որին իհարկե Դուք ծանոթ եք իմ նախորդ փոսթերից http://letsdrink4fashion.blogspot.com/2013/12/blogger-bees-looks.html
 Դա Կալիֆորնիայում բնակվող Բին է: Նա ունի ոճի նուրբ զգացողություն, կարողանում է դիպուկ համադրել իր զգեստապահարանի զանազան իրերը միմյանց հետ և չի խուսափում միևնույն իրով բազմիցս ներկայանալ, ինչով օրինակ է հանդիսանում իր բլոգի հետևորդների համար: Փորձել եմ իմի բերել նրա լուքերը: Դիտենք միասին:


Այս դասական սև ու սպիտակ գունային համադրությամբ լուքերը անկասկած կարող են ունիվերսալ լինել շատ ու շատ առիթների ժամանակ: Երկրորդ նկարում Բին ֆանտաստիկ մի ջամփսյութով է (կոմբինեզոն), որին նրբագեղություն է հաղորդել իր շատ սիրած բրոշը Chanel-ի լոգոտիպով: Հիրավի չքնաղ կոկտեյլային հանդերձանք է: Երրորդում ինձ դուր է գալիս горощек-ներով բլուզը, որից ռոմանտիկություն է ճառագում, ինչպես նաև մի աննկատ, բայց հիասքանչ մի դետալ՝  կոշիկների կանթը:


Փետրավոր դետալները հագուստի վրա տոնական տեսք են հաղորդում լուքին: Այն, ինչպես նաև մնացած լուքերը կարելի է կրել երեկույթների ժամանակ, իսկ ցերեկը ցածրակրունկ կոշիկներով կերտել ամառային առօրյա լուք:

Բին չի հրաժարվում նախորդ տարվա տրենդից՝ զոլավոր հագուստից:

Այստեղ կարելի է տեսնել, թե ինչպես է Բին համադրել մանուշակագույն իրերը այլ գույների հետ, ինչպիսի կոշիկներ է նա ընտրել լուքերն ավարտելու համար:

Ծաղկավոր պրինտը շարունակում է մնալ Բիի կողմից շատ սիրված:

Մի քանի աշնանային լուքեր Բիի կատարմամբ:
Ամառային լուքեր, որոնցով կարելի է զբոսնել, ընկերների հետ գնալ զվարճանալու, եթե իհարկե նման բարձրահարկ կոշիկների վրա զգում եք հարմարավետ:

Sunday, March 16, 2014

TREND. SOCKS IN SHOES.


  Այսօր ցանկանում եմ ներկայացնել նկարներ, որոնցում ֆեշընիստուհիները իրենց կոշիկները կրում են գուլպաներով: Չափազանց հակասական կարծիքների արժանացած այս տրենդը, այնուամենայնիվ, գտել է իր երկրպագուներին: Ոմանք այս երևույթը համարում են անճաշակության կատարյալ արտացոլանք, իսկ ոմանք այնքան ոճային, որ դա կիրառում են հիվանդագին  հաճախ: Եթե սիրում  եք կոտրել ստերեոտիպեր, ապա օգտվեք այս հնարքից կանխավ դիտելով նկարների ընտրանին: